Schulweg im Krieg
Morgens
simmer fort
vun daheem
un ware net sicher
ob mer nochemol heemkumme
zu unsere Leit
un manches Mol
simmer neie Wege gange
weil die alte Wege
verschitt ware
un manches Kind
is manches Mol
garnimmer heemgange
es hot keen Weg meh gewwe
aa keen Umweg
un die Klasse sin
immer klenner
und Kinner sins
aa immer wennischer
worre
doch die Schul
hots iwwerlebt
sie steht
wie eh un je
am selwe Platz
bloß springe
annere Kinner
die Treppe
ruff un runner
wie wann nix
gewese wär
domols